John Roberts merkataritza, kronika eta espioitza lanetan aritzen den britainiarra da. Río de la Platako independentzia-gerran, iraultzaren buruzagi nagusietako batek liluratzen du: José Artigasek. Militar zirraragarri eta enigmati horren misterioak argitzeko, haren laguntzaileak, lagunak eta baita etsaiak ere elkarrizketatzen ditu. 1840an, Artigas Paraguaien erbesteratuta bizi da. John Robertsek oihan guaranian barrena egiten du azken elkarrizketa hura lortzeko, eta horrela, haren bizitzako une esanguratsuenak berrikusteko: iraultza, herri orientalaren exodoa, artigismoaren goraldia eta traizioa. Artigasek aberria handi, demokratiko, errepublikano eta federala amestu zuen: non inor ez den inor baino gehiago. Indigenak, esklaboak, nekazariak eta gautxoak bere lerroetan batu ziren.